zubair

Mihraj bayan zubairsiraji

Mihraj bayan zubairsiraji

ஒரே மதத்தை பின்பற்றுவர்களுக்கு மத்தியில் சிறு சிறு கருத்து வேறுபாடுகள் இருப்பது சகஜம் தான். ஆனால் அவற்றை ஒன்றுபடுத்த முடியவில்லையென்றாலும் குறைந்தபட்சம் அவற்றுக்கு மத்தியில் பிரிவினைக்கு தூபம் போடும் அபாயகரமான வேலையை ஒரு அரசு, அதுவும் மதசார்பற்ற அரசு செய்வது பிற்காலத்தில் எதிர்மறையான விளைவுகளை ஏற்படுத்தும் என்பதை பஞ்சாப் விஷயத்தில் அடிபட்டு உணர்ந்த பிறகும் காஷ்மீரில் அதை மத்திய அரசு தொடர்வது விந்தையாக உள்ளது.

ஏற்கனவே பஞ்சாபில் ஆயுதம் தாங்கிய சீக்கியர்களை கட்டுபடுத்த இந்திரா காந்தி பிந்தரவாலேவை வளர்த்து விட்டு பின்பு வளர்த்த கடா மார்பில் பாய்ந்த கதையாக பிந்தரன்வாலேவை அடக்க ஆபரேஷன் புளூ ஸ்டார் நடத்தியதின் மூலம் கடைசியில் இந்திராகாந்தி சுட்டு கொல்லப்பட்டார் என்பது வரலாறு. தற்போதைய மத்திய அரசு இதே பாணி தந்திரத்தை காஷ்மீரில் தற்போது செய்து வருகின்றது.

காஷ்மீரில் உள்ள முஸ்லீம்களில் பெரும்பான்மையினர் பெரியவர்களின் கல்லறைகளுக்கு சென்று வழிபடும் பரேலவி குழுவை சேர்ந்தவர்கள். ஆனால் கடந்த 25 ஆண்டுகளில் அஹ்லே ஹதீத் குழுவை சார்ந்தவர்கள் எனப்படும் வகாபி பிரிவை சார்ந்தவர்கள் அதிகரித்து வருகின்றனர். அவர்கள் சமாதி வழிபாடு என்பது இஸ்லாத்தில் இல்லை என்றும் முஸ்லீம்கள் அவர்களின் வேதமாகிய குரான் மற்றும் முஹம்மது நபியின் போதனைகளை மட்டும் பின்பற்ற வேண்டும் என்று பிரசாரம் செய்பவர்கள்.

சவூதி போன்ற நாடுகளிலிருந்து வரும் பொருளாதாரம் மூலம் வகாபி பிரிவை சார்ந்தவர்கள் அவர்கள் சிந்தனை சார்ந்த புத்தகங்களை பரப்பி வருவதாகவும் பலரை சமாதி வழிபாட்டிலிருந்து தடுப்பதாகவும் குற்றம் சாட்டுகின்றனர். இச்சூழலில் வகாபிகள் தீவிரவாத செயல்களில் ஈடுபடுவதாகவும் பரேலவிகள் சாந்தமானவர்கள் என்று நினைக்கும் மத்திய அரசு வகாபிகளை கட்டுப்படுத்த பரேலவிகளை ஊக்குவிப்பதாக சொல்லப்படுகிறது.

இதே அரசியல் தந்திரத்தை தான் அன்றைய இந்திராகாந்தி அரசு பஞ்சாபில் கையாண்டது என்பது குறிப்பிடத்தக்கது. பொதுவாக பரேலவிகள் எவ்வித ஊர்வலம், பொதுகூட்டம் நடத்துபவர்கள் அல்ல என்றாலும் கடந்த ஆறு மாதங்களில் மத்திய அரசு, ராணுவம் மற்றும் காவல்துறையினர் உதவியுடன் பரேலவிகள் தினமும் தங்கள் செல்வாக்கை நிரூபிக்கும் விதமாக ஏதேனும் பொதுக்கூட்டம் நடத்துவது அதிகரித்து வருகிறது.

அது போல் சமீப காலமாக சமாதிகளை புணரமைத்து அழகுபடுத்தும் பணிகளும் ஜரூராக நடந்து வருகிறது. இவ்வாறு பரேலவிகளுக்கு மறைமுகமாக ஆதரவு கொடுக்கும் போக்கு ராணுவத்தினர் பலரை அதிருப்திக்கு ஆளாக்கி உள்ளது. பெயர் குறிப்பிட விரும்பாத ராணுவ அதிகாரி ஒருவர் “ அரசு ஒருவரை அவர் பின்பற்றும் வணக்க வழிமுறைகளை வைத்து மதிப்பிட முயல்வது அபாயகரமானது. குறிப்பாக தியோபந்த், ஜமாத்தே இஸ்லாமி, அஹ்லே ஹதீத் குழுவை சார்ந்தவர்கள் அபாயகரமானவர்கள், பரேலவிகள் நல்லவர்கள் என்று பிரிப்பது சரியல்ல. ஒரு மனிதர் பீஸ் டிவி பார்ப்பதை வைத்து அவரை தீவிரவாதி என்று அடையாளப்படுத்தும் அளவு அரசு சென்றிருப்பது அரை வேக்காட்டு தனம்” என்றார்.

பரேலவிகளுக்கு அரசு கொடுக்கும் ஆதரவுக்கு உதாரணமாக 2008ல் அஹ்லே ஹதீதின் இஸ்லாமிய பல்கலைகழகத்துக்கு அனுமதி கொடுத்த குலாம் நபி ஆஸாத் அதை அப்படியே கிடப்பில் போட்டு விட்டதும் தற்போது சூபிகள் ஆதரவில் நடத்தப்பட உள்ள ஷேக் உல் ஆலம் பல்கலைகழகம் ஆரம்பிக்கும் பணிகளுக்கு முழு ஒத்துழைப்பு கொடுப்பதும் குறிப்பிடத்தக்கது.

வகாபிகளை ஒடுக்க பரேலவிகளுக்கு ஆதரவு அளிக்கும் மத்திய அரசின் முடிவு குறித்து கருத்து தெரிவித்த ஹுரியத் தலைவர் ஒருவர் இச்செயல் இந்திய அரசுக்கு எவ்வித சாதகமான பலனையும் தராது என்றும் பிரிவினையை அதிகரிக்கும் இச்செயல் அபாயகரமானது என்றும் கூறினார். எல்லா கொள்கையிலும் நல்லவர்களும் தீயவர்களும் இருப்பது வாடிக்கை என்ற அவர் எல்லா வஹாபியும் தீவிர போக்குடையவர்கள் அல்ல, எல்லா பரேலவியும் சாந்தமானவர்களும் அல்ல என்ற அத்தலைவர் பாகிஸ்தானின் பஞ்சாப் கவர்னராக இருந்த சல்மான் தஸீரை கொன்றது அல்காயிதாவில் பயிற்சி பெற்ற தீவிரவாதி அல்ல என்றும் சமாதி வழிபாடு செய்யும் பரேலவி முஸ்லீம் தான் செய்தார் என்றும் கூறினார்.

நாட்டில் உள்ள எல்லா மத மக்களையும் ஒன்றுபடுத்தி நாட்டை வளப்படுத்த வேண்டிய அரசு ஒரு மதத்தில் உள்ள கருத்து வேறுபாடுகளை பயன்படுத்தி குளிர் காய நினைப்பது வல்லரசுக்கு அழகல்ல என்பதோடு அது ஆபத்தான பக்கவிளைவுகளை ஏற்படுத்தும் என்பதும் வரலாறு உணர்த்தும் பாடம். பாடம் படிக்குமா அரசு என்பதற்கு காலம் தான் பதில் சொல்ல வேண்டும்.

Read more about வஹாபிகள் – பரேலவிகள் : முஸ்லீம்களின் பிரிவினையை தூண்டி விட்டு குளிர் காயும் மத்திய அரசு at www.inneram.com

ஒரே மதத்தை பின்பற்றுவர்களுக்கு மத்தியில் சிறு சிறு கருத்து வேறுபாடுகள் இருப்பது சகஜம் தான். ஆனால் அவற்றை ஒன்றுபடுத்த முடியவில்லையென்றாலும் குறைந்தபட்சம் அவற்றுக்கு மத்தியில் பிரிவினைக்கு தூபம் போடும் அபாயகரமான வேலையை ஒரு அரசு, அதுவும் மதசார்பற்ற அரசு செய்வது பிற்காலத்தில் எதிர்மறையான விளைவுகளை ஏற்படுத்தும் என்பதை பஞ்சாப் விஷயத்தில் அடிபட்டு உணர்ந்த பிறகும் காஷ்மீரில் அதை மத்திய அரசு தொடர்வது விந்தையாக உள்ளது.

'அடித்தாலும் உதைத்தாலும் அதற்கெல்லாம் பயப்பட மாட்டேன்!''

'அவருடைய பெயரும் அப்துல்லாஹ்தான்! அப்துல்லாஹ் இப்னு மஸ்ஊத் ரளியல்லாஹு அன்ஹு. ஆடுகளை மேய்ப்பது அவருடைய தொழில். இறைவனைப் பற்றியும் இறைத்தூதரைப் பற்றியும் தெரிந்து கொண்டவுடன் இஸ்லாமை ஏற்றுக் கொண்டார்.

ஆரம்ப காலத்தில் இஸ்லாமை ஏற்றுக் கொள்வதும் முஸ்லிமாக வாழ்வதும் இலேசான செயல்களாக இருக்கவில்லை. அடி, உதை, சித்திரவதை என்றுக் எல்லாவகையான தொல்லைகளுக்கும் ஆளாக வேண்டியிருந்தது. அல்குர்ஆனை ஓதவும் முடியாது; யாரிடமும் சொல்லவும் முடியாது.


இறைத்தூதர் முஹம்மத் ஸல்லல்லாஹு அலைஹி வஸல்லம் அவர்களைத் தவிர யாரும் மக்கா நகர மக்களுக்கு முன்னால் தைரியமாக குர்ஆனை ஓத முடியாத நிலை!

இஸ்லாமும் இசையும்

இஸ்லாமும் இசையும்: இஸ்லாத்தில் இசை அனுமதிக்கப்பட்டுள்ளதா?(அப்பாஸ்-சைதாப் பேட்டை, சென்னை)
பதில்:- 'அன்னை ஆயிஷா ரலியல்லாஹு அன்ஹா அவர்கள் தனக்கு நெருங்கிய ஒருப் பெண்ணை அன்சாரித் தோழர்களில் ஒருவருக்குத் திருமணம் செய்து வைத்தார்கள். (அப்பொது) அண்ணல் நபி ஸல்லல்லாஹு அலைஹி வஸல்லம் அவர்கள் ஆயிஷாவிடம், 'திருமணம் நடத்துகிறாய். கேளிக்கை ஏதும் இல்லையா? அன்சாரிகளுக்கு கேளிக்கைப் பார்ப்பது மிகவும் விருப்பமானதாச்சே!' என வினவினார்கள்.
அறிவிப்பாளர்: உர்வா ரலியல்லாஹு அன்ஹு, நூல்: புஹாரி.
மதம், மார்க்கம் என இருந்தாலே அங்கு திருநாட்களும், பெருநாட்களும் இருக்கும்.
ஒரு கோட்பாட்டின் அடிப்படையில் சிலர் வாழ்கின்றனர். அவர்கள் இன்புறும் விதமாக திருநாளோ, பெருநாளோ அதில் இல்லை என்றால் அக் கோட்பாட்டிற்கு மதம் எனப் பெயர் சூட்டப்பட மாட்டாது.
ஒவ்வொரு மதத்தாரும் தத்தமது திருநாட்களைப் புதுப் பொலிவுன் கொண்டாடி மகிழவே ஆசைக் கொள்வர்.

இலஞ்சம் வாங்குவது கூடுமா? கூடாதா?
கேள்வி: இலஞ்சம் வாங்குவது கூடுமா? கூடாதா?
பதில்: இஸ்லாத்தில் இலஞ்சம் வாங்குவது கூடாது. 'நீங்கள் உங்களுக்கிடையில் ஒருவர் மற்றவரின் பொருளை தவறான (இலஞ்ச) முறையில் உண்ணாதீர்கள். (உங்களது கட்சி பொய்யானதென) நீங்கள் அறிந்திருந்தும் (இதர) மனிதர்களின் செல்வத்தில் எதனையும் பாவமாக விழுங்குவதற்காக (இலஞ்சம் கொடுக்க) அதிகாரிகளிடம் செல்லாதீர்கள்.
அல்-குர்ஆன் 2:188.
இந்த இறைவசனம் இலஞ்சம் கொடுப்பதையும், வாங்குவதையும் தடை செய்கிறது.
இலஞ்சம் வாங்கி உண்ணுவோரின் ஒவ்வொரு சதைப்பகுதியும் நரக நெருப்பினால் நிரப்பப்படுகின்றது என அண்ணல் நபிகள் நாயகம் ஸல்லல்லாஹு அலைஹி வஸல்லம் அவர்கள் சொன்னார்கள்.
(அபூதாவூத், அறிவிப்பாளர்: அனஸ் இப்னு மாலிக் ரலியல்லாஹு அன்ஹு)
நன்றி: வெற்றி நவம்பர்; 2001

இறைவனை நெருங்குவதற்குரிய வழி (வஸீலா)

!
 يَا أَيُّهَا الَّذِينَ آمَنُواْ اتَّقُواْ اللّهَ وَابْتَغُواْ إِلَيهِ الْوَسِيلَةَ மூமின்களே! அல்லாஹ்வை அஞ்சிக் கொள்ளுங்கள்; அவன் பால் நெருங்குவதற்குரிய வழியைத் (வஸீலா) தேடிக்கொள்ளூங்கள், (அல்குர்ஆன் 5:35)
வஸீலா என்றால் அரபி அகராதியில் ஏணி, துணைச்சாதனம் என்ற அர்த்தத்தை கொண்டிருக்கிறது. வல்ல அல்லாஹ் நமக்கு மூன்று வகையான வஸீலாக்களை அனுமதித்துள்ளான்.

பீடி, சிகரெட் புகைக்கலாமா?
கேள்வி: பீடி, சிகரெட் புகைக்கலாமா? மத்ரஸாக்களில் மாணவர்களுக்கு பாடம் சொல்லிக் கொடுக்கும் போது புகை பிடிக்கலாமா?
பதில்: பீடி, சிகரெட் போன்றவைகளை புகைப்பதால்' மற்றவர்களுக்கு வெறுப்பு ஏற்படும் என்றிருந்தால் அது மக்ரூஹ்.(நூல்: அல்ஹதீகத்துன் நதிய்யா ஷரஹ் அத்தரீகத்துல் முஹம்மதிய்யா பாகம் 1 பக்கம் 113)
திருமறை ஓதும் போதும், தப்ஸீர், ஹதீஸ் மற்றும் மார்க்கப் போதனைகளை நடத்தும்போதும் சிகரெட், ஹுகு;கா, வெற்றிலை போன்றவற்றை உபயோகிப்பது நல்லொழுக்கத்தைச் சார்ந்ததல்ல. அண்ணல் நபி ஸல்லல்லாஹு அலைஹி வஸல்லம் அவர்கள் கூறுகிறார்கள், 'உங்கள் வாய்களை மிஸ்வாக் செய்தவன் மூலம் மணமாக்கி வையுங்கள். ஏனெனில் உங்கள் வாய்கள் திருக்குர்ஆன் வெளிவரும் வழியாக இருக்கிறது.(முஸ்லிம், அபூதாவூத், தப்ரானி, அஹ்மத்) நூல்: பதாவா ஆப்ரிக்கா பக்கம் 38.
இது குறித்து மேலும் அல்லாமா அப்துல் ஹை லக்னவீ அவர்கள் 'தாவீஹுல் ஜினான்பிதஷ்ரீஹி ஹுகமி ஷுர்பித் துகான்' என்ற நூலில் தெளிவான விபரங்'களைத் தந்துள்ளார்கள்.
நன்றி: வஸீலா

பெரியோர்களுக்கு மரியாதை செய்வதற்காக எழுந்து நிற்கலாமா?
கேள்வி: பெரியோர்களுக்கு மரியாதை செய்வதற்காக எழுந்து நிற்கலாமா? ஆதாரம் தேவை
பதில்:சிறப்புடையோர்களையும் பெரியவர்களையும் கண்ணியப்படுத்தும் பொருட்டு எழுந்து நிற்கலாம். இது பற்றி ஸஹீஹான நபிமொழிகள் உள்ளன. (ஆதாரம்: பதாவா நவவி பக்கம் 48,49)
ஞானம் உள்ளோர், நற்குணமுடையோர், நீதமாக நடக்கும் அதிகாரி, பெற்றோர் ஆகியோருக்கு மரியாதைக்காக எழுந்து நிற்பது சுன்னத் (ஆதாரம் பத்ஹுல் முயீனு; பாகம் 4, பக்கம் 192)
சிறப்புடையோரை கண்ணியப்படுத்தும் நோக்குடன் எழுந்து நிற்பது சுன்னத்.பத்ஹுல் பாரி பாகம் 13 பக்கம் 288,293 தன்வீருல் குலூப் பக்கம் 200.
மரியாதைக்காக எழுந்து நிற்பது கூடாது என்று எந்தவொரு ஹதீதும் வரவில்லை.
நன்றி: வஸீலா 1-7-87